可鄰的地皇

地皇已經係出灑名的荃灣死場之皇，一班業主為了絕處求生，集合業權將一樓改為 FOOD COURT，又可以吸下人流咁。

小弟就有朋友說佢有間手撕雞好食，咁咪順便過去一試同睇下佢裝修成點，點知⋯Σ( ° △ °)

入到去個FOOD COURT 唔係大之餘，人不多，唔知係咪業權問題，孤零零有間店在 FOODCOURT 中間，奇能怪怪咁(☉д⊙)，算啦當係亮點。用幾間店圍住 FOOD COURT ，統一收錢，之後等攞野食，個流程係咁，記很在落單處係無MENU ，即係你要記好食乜先行過去。

殘體字 （-.-）

叫左個手撕雞撈麵 $28  （-_- '），一個營多 加兩件雞的份量，一個大男人係唔夠食既。ANY肥！試味先⋯⋯第一口就想起 呢位朋友在雪櫃中的一大罐花生醬，唔記得佢好鐘意花生醬⋯

成個麵除了花生醬的醬⋯花生醬的雞⋯花生醬的麵⋯仲有花生醬既回憶⋯(#`皿´)有中了朋友伏之感 ⋯（唔關個場事）

餃子都係 $28 唔講買回來煮熟就咁(゜皿。)

荃灣區做食店的競爭非常之大，見到大班小業主想辦法自救係要支持，但如果係呢種質素同價位，好難吸引人走上去食，係⋯你會講 28蚊仲想點丫(`д´)，啱！不過我會過去粥店，加多幾蚊食其他野好過，完 ( ͡ʘ ͜ʖ ͡ʘ)

味道：★★☆☆☆
環境：★★★☆☆
衛生：★★★☆☆
服務：★★☆☆☆

（一粒星好難食，五粒好能好食啊ヽ(`Д´)ノ味皇MODE）
今次消費：$56
相關資料：無

新蒲崗都有好野食 - 英記美點小食

由於香港土地問題，天龍人需要藥房，化妝品，金器呢D生理急切問題。(╥﹏╥)搞到街上的小店被貴租迫走結業，比番條路一班可憐到錢都塞爆左銀包既業主生存的空間（曲）。我呢D低下凡人想坐下食碗平的麵食已經係一件難事，更何況係好食既麵呢？⋉(● ∸ ●)⋊
好彩新蒲崗係一個有歷史既工廠舊區仲有好多六十年代的舊唐樓，租金仲未可以離地，好多舊式小店仲可以生存到，今次路過食下街坊情懷的小食店，當然係TRY TRY 懷舊風味的雲吞麵。d(`･∀･)b

其實新的雲吞店係無呢D 自製蘿白食，老竇講食佢兩粒更加肚餓，結果細容變撈麵 。(๑´ڡ`๑)

叫了腩汁撈雲吞，雲吞要做得好食主要係材料要新鮮，唔好做到拳頭咁大粒一口食唔灑大佬，咁先好食，今次就食到，不單有蝦鮮味豬肉新鮮不是昨日包定放係雪櫃，蝦係爽，但皮欠滑溜！(*ˇωˇ*人)

湯頭的大地魚煎得時間足夠，嚐其持久濃香既鮮味，想起了小時老豆第一次帶我食雲吞麵時的味道係MK 同 CWB 個兩間都食唔到。(´///☁///`)

但個腩汁覺得淡左D，可能係湯出色的關係啦。ANY肥整體上好好味既，行過睇下舊社區，睇下香港殘存的人情味，不妨一試！(●´ω｀●)ゞ

麵好基本，竹昇麵，本人覺得無梘水味唔好食既（唔係人人咁認為）(゜皿。)

味道：★★★★☆
環境：★★★☆☆
衛生：★★★☆☆
服務：★★★★☆

（一粒星好難食，五粒好能好食啊ヽ(`Д´)ノ味皇MODE）
今次消費：$34（一條毒能）
相關資料：https://goo.gl/3QGFRH

沙田 柳氏家 Yoogane

夫人說外國回來的親友想試試 韓式鐡板辣雞 咁呢間專門店又任食90分鐘就去TRY TRYσ`∀´)σ

是咁的！任食的意思除左有自助區韓式小食，可以任叫主打的鐵板炒雞：辣炒雞、炭烤味辣炒雞、烤肉味炒雞、味噌蜜糖炒雞。( ˘•ω•˘ )◞⁽˙³˙⁾
食完再ORDER，份量都多，最好都係叫淨雞不要有飯麵。（唔係食米飯都食飽！）

_(┐ ◟;ﾟдﾟ)ノ不過又唔係一味係雞，全部都係雞咁 DRY！都仲可以加錢追加海鮮，但覺得唔抵無叫到。(´Ａ｀。)

自助區還有韓式飲品、燉烤牛肉、牛肋骨、泡菜炒五花腩、炒粉絲同辣炒年糕。（唔影相好老土）(´c_`)

呢個冷麵係幾好食(`･∀･)b，但其他野就一般般唔係好食






炸雞很乾身可能為了伴生菜食，而本人無咁做係我錯 ＜இдஇ＞




首先佢地係有自炒區同免炒區由於我地人多（六個）按排唔到自炒區，所以只好坐係到等食。老老竇竇，本身食物質素係一般，賣點係比你自己炒下野（當然可以叫服務員幫你炒），比D 伙頭兵 侍奉女神的表現身手的好機會外，都無咩特別，完。

味道：★★★☆☆
環境：★★★★☆
衛生：★★★★☆
服務：★★★★☆

（一粒星好難食，五粒好能好食啊ヽ(`Д´)ノ味皇MODE）
今次消費：$1XXX （六個人）
相關資料：https://goo.gl/4fTPW6

蕃茄湯麵在荃灣

今次就講下位於荃灣千色滙 旁邊大廈地鋪後一個角落的小店，正品蕃茄湯麵店⋯

佢地買賣點，都係個樣 套餐啦、早餐、午餐⋯仲有飯餐啦咁⋯(`3´)
如果你食麵既 就有五種湯底過你選擇，香芹蕃茄、酸菜蕃茄、黑胡椒蕃茄、辣蕃茄OR 加多6蚊肉碎蛋蕃茄（茄，全部都係茄）╮(╯_╰)╭


本人諗都無諗就叫了隊長肉餅辣蕃茄，佢地用既麵都係蕃茄來，好老實講給你蕃茄的味度真係唔多足夠，麵質就可以Q彈，但辣就正常來說係唔辣啦，肉餅煎得較乾要沾湯先無咁「鞋」口，總結係啱啱好叫普通吧。(๑•́ ₃ •̀๑)


如果諗唔到食乜既可以試一試既，就咁⋯






味道：★★★☆☆
環境：★★☆☆☆
衛生：★★★★☆
服務：★★★☆☆

今次消費：$48
相關資料：https://goo.gl/ATrCtn

麵道

荃灣千色滙之前開了一間拉麵店，見到有D 人排隊，裝修都幾靚仔咁，就同夫人去TRY TRY！(*‘ v`*)

首先佢地每一種湯底都有限量，賣灑就收工個隻，好似好真貴咁既感覺！

雞白湯、海老豚骨、醬油豚骨、辣肉味噌醬油豚骨；有得比你選下麵要軟中硬，湯要淡中濃之類（縱壞灑）(#`Д´)/

唔理咁多 就點了 海老 醬油⋯

 

首先本人覺得兩個麵外表看來無乜分別，唔飲過頭啖湯真心分唔出，分量係比雲吞麵多DD，配菜就係 唐心蛋 木耳 葱咁，叉燒不是大片 沒有甚麼大驚喜。( ͡° ͜ʖ ͡°)

好了！看完外表，試下食力先⋯

夫人先試海老豚骨先（點解呢，因為醬油本人選了係非常濃既），第一啖海老味 鮮香 豚骨的味剛剛配合，用幼身的麵底，沾湯量多，內裹有兩粒迷你餃子（但食唔出係乜，算(◔౪◔)）唐心蛋Q彈，叉燒覺得肥肉較多，整體來說係一碗合格之上的拉麵⋯

接住就試本人點的醬油豚骨，豚骨味濃 但沒有 迷你餃子（唔開心，點解我無(〒︿〒)）比起海老，更喜歡醬油多D，其他配菜是一樣所以唔講。分量來說本人要加多 15 蚊替玉先飽飽⋯⋯(*´艸`*)

老老竇竇，在荃灣之前好食的拉麵得台風，現在就可以講有第二間選擇(✪ω✪)（勝在佢位多過台風，排隊算快 10分鐘就入到去），但離開荃灣的話還有其他更好的。

味道：★★★★☆
環境：★★★★★
衛生：★★★★★
服務：★★★★★

今次消費：$181
相關資料：https://www.facebook.com/ramendou/

美味餃子店

(*ˇωˇ*人)昨日同夫人拍住拖行街街，見到某CC電視台介紹過的餃子店，由於此台吹捧下的食店最多只係得幾日人流貨仔(`д´)。但大南街呢間餃子店，朋友推介加上今時今日仲有人排隊，外賣同堂食都兩條人龍，証明真材實料，於是就TRY TRY！٩(｡・ω・｡)و

首先講個名「美味」，其實對一間食店來說，本人覺得係伏多，唔係朋友說好食同人龍，真心行過就算。ANY肥，排隊啦喂！ಠ_ಠ

店子的座位算多，人流都快等了大約 15分鐘入得去⋯─=≡Σ((( つ•̀ω•́)つ

入到去坐下，睇餐牌一個字正！三種餃子 雲耳椰菜肉餃、韮菜肉餃、白菜肉餃；兩種食法 湯餃及煎餃； 7隻同10隻的份量。喜歡既加$9 麵底，有選擇困難症的人就唔洗煩。(✧≖‿ゝ≖)

很快就決定到 三種湯餃各叫了⋯⋯ 等了 7-8分鐘到（比較耐D） 上菜！(◕ܫ◕)

本人覺得湯餃的三種要數係可以令到一隻餃子美味，第一餡料、第二湯、第三汁醬這三種鐵一般的關鍵缺一不可，而呢間店就滿足了三個要求。⸜(* ॑꒳ ॑* )⸝

餃子皮薄，無論是椰菜 、韮菜、 白菜都非常鮮嫩爽甜，整體上餃子飽滿令你咬下去都有非常滿足的感覺♥(´∀` )人。湯就是野葛菜生魚豬骨湯底單單喝下是比較清淡（但魚味並不特出）豬骨比較重，但配合上餃子的肉餡就恰到好處。至於最後的醬料明顯不是普通的菜脯蘿蔔，自家調製的豆豉菜脯，充滿 豆瓣醬、 蒜、的香味而不辣，使得味道更加豐富。( ♥д♥)

⁄(⁄ ⁄•⁄ω⁄•⁄ ⁄)⁄對本人呢住大胃王來說不加麵底與夫人食三碗都可以飽飽了，好滿足地埋單走人⋯⋯



味道：★★★★★
環境：★★★☆☆
衛生：★★★★★
服務：★★★☆☆

今次消費：$170
相關資料：https://goo.gl/jFjPDK

荃灣一間餃子店

琴日夫人同阿仔去WET 咁就只好一條友浪漫( ˘･з･)，本來諗住去情侶好喜歡吉野家，打下一人邊爐暖下個心，點知去遅左賣灑。(#`皿´)嬲嬲豬咁過返去荃昌中心 1 樓 食下餃子回家。

講開呢間店，鋪頭細細，位不是太多晚飯時間要等下位，約10幾分鐘到就可以坐到。
去呢間餃子店，除左食餃子，全部都係食餃子，點解咁喜歡食呢？
因為好有家庭手作的感覺⋯既係阿媽的味道！(๑´ڡ`๑)

ORDER左個四式餃子 （韭菜、雲耳白菜、雲耳椰菜、芹菜）各兩隻$35，加麵底$6
湯就有豬骨同重慶兩個CHOOSE ，附上菜脯既

低頭轉兩下珠就上菜，先講湯啦，其實個人覺得算係清清地，第一兩啖係無乜感覺比較溫和（這就是阿媽的味道）四五啖才會有味道，OK！⸜(* ॑꒳ ॑* )⸝
講左咁耐阿媽，HI ANITE 講下主角啦喂！

四個字講「皮薄餡靚」，食材迫滿成粒餃子，咬落好有滿足感。(๑¯∀¯๑)當中的菜肉比例是菜比較多肉係少少少少少（當係初一十五清清地）唔係唔好喎。反而小弟覺得咁樣先係食到菜既清爽口感，配合湯頭味唔搶咁先分到每種餃子的菜味不同，並不是之前所諗叫四式變左同一味喎。

麵唔講只係飽肚用，但要講下隨餃附上的菜脯，入面加上少少麻辣味勿然有畫龍吸睛的較果┌|◎o◎|┘，搞到小弟喝灑成個湯既。小店環境就迫D ，小弟咁肥食麵時比人用PAD撞了好幾次，不過係小事啫⋯_(┐「ε:)_





味道：★★★★☆
環境：★☆☆☆☆
衛生：★★★★★
服務：★★★☆☆

今次消費：$41
WEB：goo.gl/Gl94HX

Homura Ramen 焰

話說入元朗做D野，夫人就叫小弟試下呢間焰拉麵⋯

有ORDER 當然照做，何況拉麵係飛弗⋯

首先可能係平日無乜人唔洗排隊就有位，店員介紹有乜新野咁（第一次去小弟通常係試最基本既野）

咁就ORDER 個焰鮮先（有計喜歡蝦）

店員放下碗麵就，介紹下魚介醋，有魚香醋味，由於湯濃味入去魚介醋不是好特出。

好啦！講番個麵先湯底味道濃郁，用豬骨湯底，麵幼身份量少，大食的朋友要替玉（$15），叉燒半肥瘦 加少許火炙，咬落出有滿足感這個比較讚，蝦配湯底帶出鮮甜味，整體OK既⋯

味道：★★★☆☆
環境：★★★★☆
衛生：★★★★★
服務：★★★★★

每人平均消費：$78-93

https://www.facebook.com/Homuramen/

粉嶺聯和好去處在-群記牛丸豬手

是咁的，經常身處粉嶺的小弟向左走向右走咁得閒◑ω◐4-5點鐘都會去群記臨收工前食下牛丸麵，因為唔洗等位。(*´∀`)~♥
其實都N 咁多人講 豬手好好食 牛丸好好食咁，但係無乜人講出豬手既時間：ಠ_ಠ
11:30 & 3:30
係得呢兩個時間咋，=͟͟͞͞( •̀д•́)山長水遠入到來既朋友就記住啦，如果叻既就係 3:20 分搵定位食住個丸麵，到搭半就ORDER 個大手咁就唔洗齋企⋯⋯∠( ᐛ 」∠)_

不過小弟始終覺得豬手、牛丸N咁好食既原因都係關個辣醬既事囉

味道：★★★★★
環境：★★☆☆☆
衛生：★★☆☆☆
服務：★★☆☆☆

每人平均消費：$50
只收現金
門口對住大街但你係泊唔到車架啦，死心啦ヽ(￣■￣)ゝ

粉嶺的泰國菜

好多年頭前，想食泰國菜大家諗都唔洗諗就去九龍城啦喂⋯(*´ω`)人(´ω`*)

今時今日，唔知係咪九龍租金貴到離開地球，定係人工唔夠租市區被迫離開地球。┐(´д`)┌

好多食店都轉戰北區發展，聯和墟地方細細其實都開左唔少間泰國菜(´ΘωΘ`)，其他餐廳⋯

其中我覺得 金邊粉泰國菜- Pad Thai 做得都唔錯既，生蝦夠新鮮，但醬汁如果可以濃辣點就更好，爐邊燒魚係抵食既二百幾蚊仲包埋有牛肉，扎肉，菜比你拾下拾下( ͡° ͜ʖ ͡°)，其他的小菜也可以，環境因為鋪頭細細要等位，服務都勤快細心，呢個一讚！

味道：★★★★☆
環境：★★★★☆
衛生：★★★★★
服務：★★★★★

每人平均消費：$150
只收現金
門口對住大街泊車睇住唔怕找牌
https://www.facebook.com/JinBianTaiGuoCanTingPadThai/?pnref=story

海老沾麵

落大雨，淋到hi hi , 朋友介紹海老名沾麵 (長沙灣)，避下雨。

入去時人不多，佢地有拉麵價錢都平約 60-70元

佢有隻海膽沾麵限定10碗可惜無機會試

佢地蝦沾麵非常之好味，入口蝦味濃厚，麵少硬，掛汁適中，材料蝦乾 叉燒不失味道，一步一步加上蝦醋，美味不繼提升，但有少少問題麵很快涼後很難夾起。最後加湯，雙手拿起暖暖的湯，濃厚的蝦味再給人第二次沖擊，回味無窮。

一間荃灣新開的 拉麵店－豚道樂

今天同朋友行過大河道，見到呢間新店 本人喜歡食拉麵就去試一試，店面看上去好骨仔細細間，入邊有四人台及 面對街食的BAR台，對於喜歡看著師父製作的我少了少少樂趣。

調味架的選擇比較少，這個不要緊。

本人試的是元味豚骨 試下佢最基本的味道

湯的味道 是沒有得選擇的，有得選的只有幼面 或 曲面 （普通 、硬、特硬）

叉燒有得選 腩肉或肩肉

青蒽 或 白蒽

本人選的是 曲面（硬） 腩肉 青蒽 加多＄10替玉

首先試湯先 湯底算是中等濃度 味道不算好出眾，找不到。

腩肉的味道很好，可惜只有三片薄薄的，配料只是啱啱好，如果加入替玉後 湯也不太足夠，如果只是女士 份量應該OK，但一個大男人 加了替玉 都決少了滿足感。

試過一次就算！

店入面比較加分是充電服務 一個位 有一條線差下電，可以加分。