荃灣一間餃子店

琴日夫人同阿仔去WET 咁就只好一條友浪漫( ˘･з･)，本來諗住去情侶好喜歡吉野家，打下一人邊爐暖下個心，點知去遅左賣灑。(#`皿´)嬲嬲豬咁過返去荃昌中心 1 樓 食下餃子回家。

講開呢間店，鋪頭細細，位不是太多晚飯時間要等下位，約10幾分鐘到就可以坐到。
去呢間餃子店，除左食餃子，全部都係食餃子，點解咁喜歡食呢？
因為好有家庭手作的感覺⋯既係阿媽的味道！(๑´ڡ`๑)

ORDER左個四式餃子 （韭菜、雲耳白菜、雲耳椰菜、芹菜）各兩隻$35，加麵底$6
湯就有豬骨同重慶兩個CHOOSE ，附上菜脯既

低頭轉兩下珠就上菜，先講湯啦，其實個人覺得算係清清地，第一兩啖係無乜感覺比較溫和（這就是阿媽的味道）四五啖才會有味道，OK！⸜(* ॑꒳ ॑* )⸝
講左咁耐阿媽，HI ANITE 講下主角啦喂！

四個字講「皮薄餡靚」，食材迫滿成粒餃子，咬落好有滿足感。(๑¯∀¯๑)當中的菜肉比例是菜比較多肉係少少少少少（當係初一十五清清地）唔係唔好喎。反而小弟覺得咁樣先係食到菜既清爽口感，配合湯頭味唔搶咁先分到每種餃子的菜味不同，並不是之前所諗叫四式變左同一味喎。

麵唔講只係飽肚用，但要講下隨餃附上的菜脯，入面加上少少麻辣味勿然有畫龍吸睛的較果┌|◎o◎|┘，搞到小弟喝灑成個湯既。小店環境就迫D ，小弟咁肥食麵時比人用PAD撞了好幾次，不過係小事啫⋯_(┐「ε:)_





味道：★★★★☆
環境：★☆☆☆☆
衛生：★★★★★
服務：★★★☆☆

今次消費：$41
WEB：goo.gl/Gl94HX

Homura Ramen 焰

話說入元朗做D野，夫人就叫小弟試下呢間焰拉麵⋯

有ORDER 當然照做，何況拉麵係飛弗⋯

首先可能係平日無乜人唔洗排隊就有位，店員介紹有乜新野咁（第一次去小弟通常係試最基本既野）

咁就ORDER 個焰鮮先（有計喜歡蝦）

店員放下碗麵就，介紹下魚介醋，有魚香醋味，由於湯濃味入去魚介醋不是好特出。

好啦！講番個麵先湯底味道濃郁，用豬骨湯底，麵幼身份量少，大食的朋友要替玉（$15），叉燒半肥瘦 加少許火炙，咬落出有滿足感這個比較讚，蝦配湯底帶出鮮甜味，整體OK既⋯

味道：★★★☆☆
環境：★★★★☆
衛生：★★★★★
服務：★★★★★

每人平均消費：$78-93

https://www.facebook.com/Homuramen/

粉嶺聯和好去處在-群記牛丸豬手

是咁的，經常身處粉嶺的小弟向左走向右走咁得閒◑ω◐4-5點鐘都會去群記臨收工前食下牛丸麵，因為唔洗等位。(*´∀`)~♥
其實都N 咁多人講 豬手好好食 牛丸好好食咁，但係無乜人講出豬手既時間：ಠ_ಠ
11:30 & 3:30
係得呢兩個時間咋，=͟͟͞͞( •̀д•́)山長水遠入到來既朋友就記住啦，如果叻既就係 3:20 分搵定位食住個丸麵，到搭半就ORDER 個大手咁就唔洗齋企⋯⋯∠( ᐛ 」∠)_

不過小弟始終覺得豬手、牛丸N咁好食既原因都係關個辣醬既事囉

味道：★★★★★
環境：★★☆☆☆
衛生：★★☆☆☆
服務：★★☆☆☆

每人平均消費：$50
只收現金
門口對住大街但你係泊唔到車架啦，死心啦ヽ(￣■￣)ゝ

粉嶺的泰國菜

好多年頭前，想食泰國菜大家諗都唔洗諗就去九龍城啦喂⋯(*´ω`)人(´ω`*)

今時今日，唔知係咪九龍租金貴到離開地球，定係人工唔夠租市區被迫離開地球。┐(´д`)┌

好多食店都轉戰北區發展，聯和墟地方細細其實都開左唔少間泰國菜(´ΘωΘ`)，其他餐廳⋯

其中我覺得 金邊粉泰國菜- Pad Thai 做得都唔錯既，生蝦夠新鮮，但醬汁如果可以濃辣點就更好，爐邊燒魚係抵食既二百幾蚊仲包埋有牛肉，扎肉，菜比你拾下拾下( ͡° ͜ʖ ͡°)，其他的小菜也可以，環境因為鋪頭細細要等位，服務都勤快細心，呢個一讚！

味道：★★★★☆
環境：★★★★☆
衛生：★★★★★
服務：★★★★★

每人平均消費：$150
只收現金
門口對住大街泊車睇住唔怕找牌
https://www.facebook.com/JinBianTaiGuoCanTingPadThai/?pnref=story

Cat ppap

沒有起跑線

睇完昨日CCTVB 的-沒有起跑線，心想這是個節目會引起現今怪獸家長們的反思，坐著看畢30分鐘發現這個題目完全背道而馳。裹面講述一群瘋狂的家長如何部署今自己的孩子變得更加瘋狂，全個節目「贏在起跑線」講得比一帶一路還要多還要頻密。之後還要在攝錄機前，兩眼通紅，臉不紅耳不熱，振振有詞說出『贏在射精前』的進化論，第一件事小弟想到那裹來的性教育？打了一個冷顫後，之後會否超進化為贏在父母？贏在DNA？贏在投胎？好像節目裹母親與醫生的對話：醫生同醫生配種當然正啦，我地D凡夫俗子那有資格IN人家間學校？原來人同畜生無乜分別，配到好種有好血統咪贏。雖然的確是現今的事實，但要做到這程度，又何苦呢？

九宮飛星，風水合集

這並不是風水見解，只是小弟睇D各水風網來一個總結比自己記錄，如有錯誤請見諒！

凶位- 大多數的師父都將不吉利的位置，都表示不要移動為好，忌放置紅、黃、水種植物、魚之類的物品，這樣就不會增強其力量。
吉位 - 就相反，通常放 四支富貴竹 魚 紅 黃色 來增強位置。
亦要加上五行相性，好似玩PAD轉珠咁五花百門，所以就記下來比自己好好研究下

1 白 桃花星 
   五行屬性：水
   包括：投資、戀愛、人緣、出門、遠行 
   桃花位 - 宜放水種植物，鮮色花之類的物品，本身是一個吉位大部份都沒有刻意放甚麼；

2 黑 病星 
　五行屬性：土
　包括：健康問題，婦科及腸胃
   病符位 - 算是咁多個凶位之中最少傷害的一個，忌放紅、黃，水種植物、魚之物。
                 大部份師父都係放 銅或木製的葫蘆 （注：葫蘆是過去醫師裝盛仙丹妙藥的法器，它能納福增祥、去除災厄，銅木都無分別）

3 碧是非星
　五行屬性：木
　包括：官非、斗執、是非、小劫
   是非位 - 故名思義就是小人是非的一個不吉的位置，忌放綠、藍，水種植物、魚之物。
                 在地上鋪一張紅地氈，放長明的紅燈化解是非，放九之數的紅花，紅色的飾物，如放三個紅色利是封或將椅子換成紅色或鋪上紅色的椅墊，（注：目的是以木生火、洩去木氣的原理驅走小人 。）

4 綠 文昌星
　五行屬性：木
　包括：考試、進修、升職、名譽、文職工
   文昌位 - 係一個利讀書，升職 平和的位置，放綠色的物品，4枝富貴竹、千層塔、開運竹，筆座，文昌塔、毛筆：文武雙全（注：顏色之簡單為主，如放書台忌對嘈雜多聲的地方）

5 黃 災星

　五行屬性：土
　包括：疾病、災禍
   災煱、大病位 - 當然係一個大殺傷力的位置，忌放紅、紫、深黃、啡，水種植物、魚之物。
   通常放白色、淺黃色，可擺放「五帝古錢」、金屬龍龜、貔貅等，有師父就放 金屬音樂盒、風鈴或其他可發聲的金屬物件，多過一條的舊鑰匙（又放便D搵到）

6 白 武曲星
　五行屬性：金
　包括：驛馬、武職、財運
   武曲星 - 偏財位，代表的是技術性、勞動性或經常要出外走動的工作，也主權力管理，但凡文職以外的工作者想催旺事業運。放金、黃、陶瓷、石頭，八條金魚、擺放金色風扇、有水擺設及水種植物。但忌放火氣之物，紅橙兩色，亦不宜燃點香薰等。

7 赤 破軍星
　五行屬性：金
　包括：破財、盜賊、牢獄、損丁
   七赤星 - 係一個大凶之星，很多師父都不會做甚麼加強的方法，用法多加小心。 忌放紅、紫、深黃、水種植物、魚之物。放銅雞（在居室中擺放的銅雞時，雞嘴必須對著屋外，才會有助於家中氣場，給居住者帶來好的運勢，如家中家中缺角處擺放一隻銅雞來補缺，生肖屬兔，不宜擺放銅雞，只能擺放一隻避免自相鬥毆），鹽燈（本身就有能量，不但能藉此來擋住柱刀的煞氣，還可以招財，開運，增加氣場，保守健康，絕對不能讓燈熄滅，要24小時開著燈，否則鹽會出水就失去了它的效果）

8 白 當旺財星
　五行屬性：土
　包括：升職、財運
   旺財星 - 正財位，五行屬土，能帶來功名富貴，置業成功，田宅科發，富不可當，為九星中第一吉星。多放流動之物品，紅黃兩色（因火生土）來加以催旺，方形的紅色盆，種植水種植物或金魚等亦無乜問題，感覺上你唔放乜特別野都唔會有乜大影響既。

9 紫 喜慶星
　五行屬性：火
　包括：各種喜慶吉事、嫁娶、添丁
   九紫星 - 代表的是一切喜慶事宜，嫁娶或生兒育女，催旺一正都百利而無一害。多放紫紅綠色事物，紅色擺設及揮春等，土種植物，多果實的植物、泥種大葉盆景之類，但唔好擺放藍色、黑色、灰色物品。